Geguritan Nyawang Geber

<p><em><strong>Rubrik Jagad Jawa ugi kababar ing Koran Solopos saben dinten Kemis. Ing babaran Kemis (16/8/2018) menika kapacak geguritan anggitanipun&nbsp;Supriyoko.</strong></em></p><p><strong>NYAWANG GEBER</strong></p><p>Kain putih dawa</p><p>Papan obahe carita</p><p>Ing kono Sengkuni wani</p><p>Nata dhadhu siji-siji</p><p>&nbsp;</p><p>Pandhawa Kurawa</p><p>Milang angka milang daya</p><p>Nyicil tekane Kurusetra</p><p>Sakeh ngiberake dora</p><p>Kalawan tancepe sembada</p><p>Lan uga nggelar papan sekti lan tangis</p><p>&nbsp;</p><p>Daksawang</p><p>Sakeh lali dipanggul</p><p>Kadi pring mentelung</p><p>&nbsp;</p><p>Tibane dhadhu Sengkuni ngguyu</p><p>Tibane dhadhu satriya lima kudu keplayu</p><p>Dursasana adhi prabu</p><p>Cekekal nyandhak Drupadi</p><p>&nbsp;</p><p>Mripat dakeremake</p><p>Aku nangis</p><p>Aku nangis</p><p>&nbsp;</p><p><span><strong>GODHONG TALES</strong></span></p><p><span>Ngadeg jengger lenger-lenger nandhes tlapukan</span></p><p><span>Beberan kain putih iku wewayangan tanpa aran</span></p><p><span>Iku dudu papan jigare begasakan</span></p><p><span>Mula ngger cah bagus</span></p><p><span>Weningna ciptamu aja nganti kasaban angus</span></p><p>&nbsp;</p><p><span>Kowe ndhuk cah ayu</span></p><p><span>Aja pethenthang-pethentheng kemayu</span></p><p><span>Lungguha anteng kadi wiku</span></p><p>&nbsp;</p><p>Simbah Gareng andum carita kanthi ndulit saka dluwang salembar</p><p>Iline kali saka belik dadi loro</p><p>Ireng putih wernane</p><p>Lan iku dadi samodra iline getihmu&nbsp;&nbsp;</p><p>&nbsp;</p><p>Kae sawangen godhong-godhong tales</p><p>Tanpa blontheng</p><p>Najan sewindu kesiram tekane bandhang</p><p>Bisaa tumanjem werdi ing atimu</p><p>&nbsp;</p><p>Rai abang rai putih udinen</p><p>Gelung kondhe lan ore-ore iku seje</p><p>Larungen topeng atimu</p><p>&nbsp;</p><p><span><strong>TUMPENG GENI</strong></span></p><p>&nbsp;<span>Ati growah nyoba nanting kasucen wening</span></p><p><span>Kala sumilir angin ngelus kulit</span></p><p><span>Rolas purnama nggeget rasa</span></p><p><span>Nyoba miyak tumpukan damen bali kaya wingi</span></p><p>&nbsp;</p><p><span>Kang dinuta kasatan waspa</span></p><p><span>kandha balimu kudu memper lungamu </span></p><p><span>Iku karep saka </span><span>gandhange manuk ing pucuk randhu</span></p><p><span>Kamangka sedya tekane nyengkelit warta</span></p><p><span>Jebul dadi eri ing ati </span></p><p><span>&nbsp;</span></p><p><span>Tumpeng mangalad kemratag kumelun</span></p><p><span>Sinaput esem Sang Putri</span></p><p><span>Dene seje Trijatha</span></p><p><span>Tumungkul kasatan waspa</span></p><p>&nbsp;</p><p><span>Sang Rama ngreca </span></p><p><span>Silire angin kesel sumpeg</span></p><p>Embuh piye panarimane<br /><br /></p><p><span>Sang Brahma ngawe-awe</span></p><p><span>Gage ndhuk kungkuma ing geni mangalad iki</span></p><p><span>Angslup lan mletheke srengenge</span></p><p><span>Uga sunare rembulan seksi kanggomu</span></p><p><span>Sinta ngumbar esem lelumban ing tumpeng geni</span></p><p>&nbsp;</p><p><span><strong>JEMPARING</strong></span></p><p>Tresna sinandhing ing dhampar seje</p><p>Katresnan nyata iku apa karan jonjing</p><p>Siji lumpang seje alu</p><p>Dina pungkasan kang nggeret tekane panalangsan</p><p>&nbsp;</p><p>Aji paweh Druwasa kang kawiyak</p><p>Siningid tutug tekan sabrang</p><p>Butheg bening dadi sumpah prasetyane</p><p>Tutug tekan Kurusetra palagan jati</p><p>&nbsp;</p><p>Adu arep menthang jiwa</p><p>Senopati tunggal getih njiret banjir tangis</p><p>Kresna lan Salya anunggal jati liwat abure bledug</p><p>Ati lungit mingis ing pucuk jemparing</p><p>&nbsp;</p><p>Pucuk-pucuk langit mingkus</p><p>Binungkus telasih kang sumendhe</p><p>Binarung pangrangkul mring kakang</p><p>Lumepas Pasopati kang dadi pungkase crita</p><p><span><strong></strong></span></p><p><span><strong>Siji Loro Telu lan Papat</strong></span></p><p><span>&nbsp;</span>Apa kudu jigang apa sila tumpang anggonmu miwiti laku</p><p>Durna apa satriya sangumu</p><p>Siji loro lan telu iku etungan</p><p>Aja kok sengguh etungan tanpa tata</p><p></p><p>Mar Reng Truk Gong dolanane bocah</p><p>Rodha cikar nindhes padesan</p><p>Pindha titi laras ngusap ati</p><p>Nggarit dalan anyar</p><p>&nbsp;</p><p>Mar iku dudu samudana</p><p>Reng piyayi pinuji</p><p>Truk ora ilok tinggal glanggang</p><p>Gong ngentas kang keplantrang</p><p>&nbsp;</p><p>Bocah papat gegojegan</p><p>Mar Reng Truk Gong sangu nata driji</p><p>Dasi apa sayak&nbsp;</p><p>Siji loro telu lan papat tansah sinandhing</p><p></p>

Promosi Ijazah Tak Laku, Sarjana Setengah Mati Mencari Kerja